Budget 2024: ఉద్యోగులకు నిర్మలమ్మ 3 తాయిలాలు..!! బడ్జెట్లో ప్రకటన
Budget News: మూడోసారి అధికారంలోకి వచ్చి కేంద్రంలో ప్రభుత్వాన్ని ఏర్పాటు చేసిన ఎన్డీయే ప్రభుత్వంపై ఉద్యోగులు కోటి ఆశలతో ఉన్నారు. ఈ సారి ప్రవేశపెట్టనున్న పూర్తి స్థాయి వార్షిక బడ్జెట్ లో నిర్మలమ్మ ప్రకటనల కోసం ఎదురుచూస్తున్నారు.
ఈ క్రమంలో కొత్త ప్రభుత్వం ఏర్పడిన తర్వాత ఆర్థిక మంత్రి నిర్మలా సీతారామన్ నెలాఖరులో 2024-25 కోసం కేంద్ర బడ్జెట్‌ను సమర్పించనున్నారు. దీనిలో తమకు పన్ను విషయంలో కొంత ఉపశమనం, రాయితీని దేశంలోని ఉద్యోగులు ఆశిస్తున్నారు. మధ్యంతర బడ్జెట్లో ఉపాధి కూలీలు నిరాశ చెందిన సంగతి తెలిసిందే. అయితే జీతం పొందే పన్ను చెల్లింపుదారులకు పన్ను ఉపశమనం అందించడం వల్ల ఖర్చులు పెరుగుతాయని, అది చివరికి వినియోగాన్ని పెంచుతుందని నిపుణులు భావిస్తున్నారు.
1. కొత్త పన్ను విధానంలో పన్ను చెల్లింపుదారులకు స్టాండర్డ్ డిడక్షన్ పరిమితిని పెంచే అవకాశాలను ఆర్థిక మంత్రిత్వ శాఖ అన్వేషిస్తున్నట్లు బడ్జెట్ ముందు కొన్ని వార్తా నివేదికలు చెబుతున్నాయి. అయితే పాత పన్ను విధానంలో ఈ విషయంలో మార్పులు ఉంటాయనే ఆశ లేదు. ఇది ఉద్యోగుల వాస్తవ వ్యయానికి సంబంధించిన రుజువును అందించకుండా వారి పన్ను పరిధిలోకి వచ్చే ఆదాయం నుంచి తీసివేయవచ్చు.
2. వ్యక్తిగత పన్ను చెల్లింపుదారులకు ఉపశమనం కలిగించడానికి ప్రభుత్వం పన్ను స్లాబ్‌లను క్రమబద్ధీకరించవచ్చని మీడియా నివేదికలు వెల్లడిస్తున్నాయి. అలాగే పన్నులను తగ్గించవచ్చని తెలుస్తోంది. ప్రస్తుతం కొత్త విధానంలో పన్ను రేట్లు ఆదాయ స్థాయిని బట్టి 5-30% మధ్య ఉంటాయి.
3. కేంద్ర బడ్జెట్ 2023 కొత్త వ్యక్తిగత పన్ను విధానం పన్ను స్లాబ్‌లలో గణనీయమైన సవరణలను తీసుకువచ్చిందని డెలాయిట్ ఇండియా నివేదించింది. ఇందులో ప్రాథమిక మినహాయింపు పరిమితిని రూ.2.5 లక్షల నుంచి రూ.3 లక్షలకు పెంచడం, రూ.5 కోట్ల కంటే ఎక్కువ ఆదాయం ఉన్న వ్యక్తులకు సర్‌చార్జిని 37% నుంచి 25%కి తగ్గించింది. కొత్త పన్ను విధానం ఆకర్షణను పెంచడానికి ఈ సర్దుబాట్లు అమలు చేయబడ్డాయి. అయితే పాత పన్ను విధానంలో పన్ను రేట్లు మారవు.
