టైంపాస్ స్నాక్స్గా పాప్కార్న్ గుర్తొస్తుంది. నేడు ఫూల్ మఖానా కూడా ఆ స్నాక్ లిస్ట్లో చేరిపోయింది. తెల్లతెల్లటి బంతుల్లా కాస్త అటూ ఇటుగా పాప్కార్న్ మాదిరిగా కనిపించే ఈ మఖానాలో ఎన్నో రకాల పోషకాలున్నాయని నిపుణులు చెబుతున్నారు. వీటితో ఎన్నో రకాల స్నాక్ రెసిపీలు చేస్తారు. ఇప్పుడు మనం టీ, కాఫీ బదులుగా తయారు చేసే ఒక హెల్దీ డ్రింక్ రెసిపీ చూద్దాం. ఈ డ్రింక్ ప్రతిరోజు ఒక గ్లాసు తాగితే ఎంతో ఉత్సాహంగా ఉండచ్చు. మరి సింపుల్గా ఫూల్ మఖానాతో హెల్దీ డ్రింక్ ఎలా చేయాలో ఇప్పుడు చూద్దాం.
కావాల్సిన పదార్థాలు :
- పూల్ మఖానా – కప్పు
- పాలు – అర లీటర్
- సబ్జా గింజలు – టేబుల్స్పూన్
- డేట్స్ – 10
- జీడిపప్పు – 10
- యాలకులు – 5
-
తయారీ విధానం
- ముందుగా స్టవ్పై పాన్ పెట్టి కప్పు మఖానా వేసి లో ఫ్లేమ్లో 5 నిమిషాల పాటు ఫ్రై చేయండి.
- మఖానా చక్కగా ఫ్రై అయిన అనంతరం ఒక ప్లేట్లోకి తీసుకోవాలి.
-
- ఇప్పుడు అదే పాన్లో అర లీటర్ పాలు పోసి మరిగించండి. పాలు ఒక పొంగు వచ్చిన తర్వాత స్టవ్ ఆఫ్ చేయండి.
- డేట్స్లోని గింజలు తీసేసి ఒక చిన్న గిన్నెలోకి తీసుకోండి. ఇందులో బాదం పప్పులు తీసుకోండి. ఇందులో కప్పు గోరువెచ్చని పాలు పోసి 10 నిమిషాలు నానబెట్టుకోవాలి.
- ఒక గిన్నెలో 1 టేబుల్ స్పూన్ సబ్జా గింజలు వేసి 10 నిమిషాలు నానబెట్టుకోవాలి.
- ఇప్పుడు ఒక మిక్సీ జార్లోకి వేయించిన మఖానా, యాలకులు వేసి వీలైనంత మెత్తగా పొడి చేసుకోవాలి.
- ఆపై ఇందులో నానబెట్టుకున్న డేట్స్ని పాలతో సహా వేసుకొని మెత్తగా పేస్ట్ చేసుకోవాలి.
- ఆపై పాలను పోసి గ్రైండ్ చేసుకోవాలి. ఈ పాల మిశ్రమాన్ని ఒక బౌల్లోకి తీసుకోండి.
- ఇప్పుడు టీ గ్లాసుల్లోకి నానబెట్టుకున్న సబ్జా గింజలు టేబుల్స్పూన్ వేసుకోండి. అలాగే గ్రైండ్ చేసుకున్న పాల మిశ్రమం పోసి పైన డ్రై ఫ్రూట్స్తో సర్వ్ చేసుకోండి.
- అంతే ఇలా సింపుల్గా ప్రిపేర్ చేసుకుంటే టేస్టీ అండ్ హెల్దీ డ్రింక్ రెడీ!
ఈ డ్రింక్ని ఉదయాన్నే టీ, కాఫీకి బదులుగా తాగొచ్చు. మధ్యాహ్నం భోజనం తర్వాత చల్లగా తాగాలనుకునే వారు డ్రింక్ని రెండుగంటలపాటు ఫ్రిడ్జ్లో పెట్టి సర్వ్ చేసుకోండి. టేస్టీగా ఉండే ఈ డ్రింక్ని పిల్లలు కూడా ఇష్టంగా తాగుతారు.
