ఏపీ అసెంబ్లీ ఎన్నికల వేళ జనసేన పార్టీ చీఫ్ పవన్ కల్యాణ్‌కు చిరంజీవి మద్దతుగా నిలిచారు. తొలిసారిగా జనసేన పార్టీకి డైరెక్ట్ సపోర్ట్ చేశారు. ఓ సినిమా షూటింగ్‌లో ఉన్న చిరంజీవిని పవన్ కల్యాణ్, నాగబాబులు ప్రత్యేకంగా కలిశారు. ముగ్గురు అన్నదమ్ములు కలిసి కీలక విషయాలపై కాసేపు చర్చించారు. అనంతరం పవన్ కల్యాణ్ అన్నయ్య చిరంజీవి కాళ్లకు మొక్కి ఆశీర్వాదాలు తీసుకున్నారు.
జనసేనానికి శ్రీ చిరంజీవి గారి ఆశీర్వాదాలు… జనసేనకు రూ.ఐదు కోట్ల విరాళం @KChiruTweets @PawanKalyan pic.twitter.com/4DZ9XLJ9aT
— JanaSena Party (@JanaSenaParty) April 8, 2024
ఈ సందర్భంగా జనసేన పార్టీకి మెగాస్టార్ చిరంజీవి రూ.5 కోట్ల భారీ విరాళాన్ని చెక్కు రూపంలో పవన్ కల్యాణ్‌తకు అందించారు. ప్రస్తుతం చిరంజీవి పవన్ కల్యాణ్‌కు సంబంధించిన ఈ తాజా వీడియో సోషల్ మీడియాలో వైరల్ అవుతోంది. అయితే గతంలో చిరంజీవి సైతం ప్రజారాజ్యం పార్టీని స్థాపించి అనంతరం కాంగ్రెస్‌లో విలీనం చేసిన విషయం తెలిసిందే.
