కొన్ని కూరలలో ఎండుకారం కంటే పచ్చికారం ఫ్లేవర్ చాలా బాగుంటుంది. అందులో భాగంగానే చాలా మంది సొరకాయ పచ్చికారం, వంకాయ పచ్చికారం, కోడిగుడ్డు పచ్చికారం వంటి కర్రీలు ఎక్కువగా చేసుకుంటుంటారు. అయితే, అవి మాత్రమే కాదు ఓసారి ఈ పద్ధతిలో “దొండకాయ పచ్చికారం” చేసుకొని చూడండి. మంచి ఫ్లేవర్తో ఘుమఘుమలాడే ఈ కర్రీ వేడివేడి అన్నం, చపాతీల్లోకి సూపర్ టేస్ట్తో అదుర్స్ అనిపిస్తుంది. అంతేకాదు, ఒకసారి ఇలా చేశారంటే దొండకాయ అంటే నచ్చనివాళ్లూ ఎంతో ఇష్టంగా లాగిస్తారు! మరి, కమ్మని రుచితో నోరూరించే ఈ కర్రీకి కావాల్సిన పదార్థాలు, తయారీ విధానం ఇప్పుడు తెలుసుకుందాం.
కావాల్సిన పదార్థాలు :
- దొండకాయలు – పావుకిలో
- నూనె – మూడు టేబుల్స్పూన్లు
- జీలకర్ర – అరటీస్పూన్
- కరివేపాకు – కొద్దిగా
- పసుపు – పావుటీస్పూన్
- ఉప్పు – రుచికి సరిపడా
- పెరుగు – మూడు టేబుల్స్పూన్లు
- ధనియాల పొడి – ఒక టేబుల్స్పూన్
- కారం – అరటీస్పూన్
- గరంమసాలా – అరటీస్పూన్
- కసూరి మేతి – ఒకటీస్పూన్
- కొత్తిమీర తరుగు – కొద్దిగా
-
పచ్చికారం కోసం :
- మీడియం సైజ్ ఉల్లిపాయ – ఒకటి
- అల్లం – అంగుళం ముక్క
- వెల్లుల్లి రెబ్బలు – 10
- పచ్చిమిర్చి – ఐదారు
- కొత్తిమీర – పిడికెడు
-
చిట్కాలతో పర్ఫెక్ట్ టేస్ట్ :
- ఈ రెసిపీలో ఎండుకారం తక్కువగా వాడుతాం కాబట్టి పచ్చిమిర్చినే మీరు తినే కారాన్ని బట్టి తగినన్ని వేసుకోవాలి.
- పచ్చిమిర్చి పేస్ట్ని ప్రత్యేకంగా ప్రిపేర్ చేసి వేసుకోవడం వల్ల కర్రీకి అద్భుతమైన రుచి వస్తుంది.
- ఇక్కడ కర్రీ రుచిని పెంచే సీక్రెట్ ఇంగ్రీడియంట్ పెరుగు. ఇది వేసి చేసుకోవడం ద్వారా కూరకు మంచి టేస్ట్తో పాటు చిక్కని గ్రేవీ వస్తుంది.
