వర్షాకాలం వచ్చేసింది. పాములు ఎక్కువగా కనిపిస్తుంటాయి. ఈ కాలంలో పాములు ఇంటి పరిసర ప్రాంతాల్లో, ఇంట్లో ఎక్కువగా ప్రవేశిస్తుంటాయి. పాములు రాకుండా ఉండాలంటే మీరు ఇంట్లో లేదా కుండీలలో కొన్ని ప్రత్యేక మొక్కలను నాటవచ్చు.
వాటి సువాసన పాము మీ ఇంటి చుట్టూ తిరగనివ్వదు. ఒక వేళ వచ్చినా.. వెంటనే అక్కడి నుంచి పరారైపోతుంది.
సర్పగంధ మొక్క గురించి మీరెప్పుడైనా విన్నారా? ఈ మొక్క వాసన చాలా వింతగా ఉంటుంది. పాములు వాసన చూడగానే పారిపోతాయి. సహజ లక్షణాలతో నిండిన ఈ మొక్క వేర్లు పసుపు, గోధుమ రంగులో ఉంటాయి. ఆకులు ప్రకాశవంతమైన ఆకుపచ్చ రంగులో ఉంటాయి. దానిని నాటడం ద్వారా పాములు దూరంగా ఉండవచ్చు.
పాములు వార్మ్వుడ్ మొక్క వాసనను తట్టుకోలేవు. పాములు వాసన చూడగానే తమ మార్గాన్ని మార్చుకుంటాయి. దీనిని ప్రాంగణంలో బాల్కనీలో లేదా ప్రధాన ద్వారంపై కూడా నాటవచ్చు.
ప్రజలు తమ ఇళ్లలో సువాసన, అందాన్ని పెంచడానికి బంతి పువ్వులను నాటుతారు. అలాగే, దాని సువాసన పాములకు అస్సలు నచ్చదు. పాములు దాని వాసనకు పారిపోతాయని చెబుతున్నారు నిపుణులు.
ముళ్ళ కాక్టస్ మొక్క ఎడారులలో కనిపిస్తుంది. కానీ గత కొన్ని సంవత్సరాలుగా దీనిని అలంకార మొక్కగా కూడా ఉపయోగిస్తున్నారు. కానీ దీనికి సువాసన ఉండదు. దాని ముళ్ళ స్వభావం కారణంగా పాములు దాని చుట్టూ తిరగడానికి ఇష్టపడవు.
పాములు ఈ మొక్క రూపాన్ని ఇష్టపడవు. అందుకే అవి ఎల్లప్పుడూ అలాంటి మొక్కల నుండి పారిపోతాయి. మీరు దీనిని ఇంటి అలంకరణకు అలాగే పాములను తరిమికొట్టడానికి ఉపయోగించవచ్చు.
