కొందరు చేసే ప్రయోగాలు చూస్తే ఆశ్చర్యం కలుగుతుంది. మరికొందరు చేసే వినూత్న ప్రయోగాలు చూస్తే ఆశ్చర్యంతో పాటూ షాక్ అయ్యేలా ఉంటాయి. అలాగే ఇంకొందరు చేసే వింత వింత ప్రయోగాలు చూసినప్పుడు అంతా తెగ నవ్వుకునేలా ఉంటాయి.
ఇలాంటి ఘటనలకు సంబంధించిన వీడియోలు సోషల్ మీడియాలో తెగ వైరల్ అవుతుంటాయి. తాజాగా, ఇలాంటి వీడియో ఒకటి నెట్టింట చక్కర్లు కొడుతోంది. ఓ వ్యక్తి కరెట్ బిల్లు తగ్గించుకోవడం కోసం చేసిన వింత ట్రిక్ చూసి అంతా తెగ నవ్వుకుంటున్నారు. ఈ వీడియో చూసిన వారంతా.. ”ఇది వాయా లేక మంత్రమా”.. అంటూ కామెంట్లు చేస్తున్నారు.
సోషల్ మీడియాలో ఓ వీడియో (Viral Video) తెగ వైరల్ అవుతోంది. సాధారణంగా కరెంట్ మీటర్ బిల్లు (Electricity meter bill) తగ్గించేందుకు చాలా మంది వివిధ రకాలుగా ప్రయత్నిస్తుంటారు. కొందరు మీటర్‌లో ఇనుప కడ్డీలు పెట్టడం, మరికొందరు రీడింగ్ తిరగకుండా ఆఫ్ చేయడం వంటి ప్రయోగాలు చేస్తుంటారు. ఇలాంటి పనులు చేయడం నేరమని తెలిసినా.. ఏవేవో ప్రయోగాలు చేస్తుంటారు.
ఇలాంటి విచిత్ర ప్రయోగాలకు సంబంధించిన వీడియోలను కూడా సోషల్ మీడియాలో చూస్తుంటాం. అయితే తాజాగా, ఓ వ్యక్తి చేసిన వినూత్న ప్రయోగం చూసి అంతా తెగ నవ్వుకుంటున్నారు. ఓ వ్యక్తి తన ఇంటి కరెంట్ బిల్లు తగ్గించేందుకు వింత ప్రయోగం చేశాడు. ఇందుకోసం విద్యుత్ మీటర్‌పై టిండా అనే కూరగాయను కట్ చేసి రద్దుతాడు. అతను రీడింగ్‌పై టిండాను రుద్దగానే ఆశ్చర్యకరంగా రీడింగ్ కూడా వెంటనే తగ్గిపోతుంది. ఇలా టిండాను రుద్దే కొద్దీ రీడింగ్ తగ్గుతూ వస్తుందన్నమాట.
అయితే ఇది చూసేందుకు నమ్మశక్యం కాకున్నా కూడా వీడియో మాత్రం సోషల్ మీడియాలో తెగ వైరల్ అవుతోంది. దీనిపై నెటిజన్లు వివిధ రకాలుగా స్పందిస్తున్నారు. ”అరే..! ఇదేంటీ మరీ విచిత్రంగా ఉందే.. ఇతడి చేతిలో మంత్రం ఏదైనా ఉందా”.. అంటూ కొందరు, ”ఇతను వ్యూస్ కోసం కావాలనే ఇలా ఫేక్ వీడియో చేశాడు”.. అంటూ మరికొందరు, వివిధ రకాల ఎమోజీలతో ఇంకొందరు కామెంట్లు చేస్తున్నారు. ఈ వీడియో ప్రస్తుతం 1800కి పైగా లైక్‌లు, 1 మిలియన్‌కు పైగా వ్యూస్‌ను సొంతం చేసుకుంది.
