హోటల్​ స్టైల్​ “కొబ్బరి చట్నీ” – టేస్ట్​ వేరే లెవల్

టిఫెన్స్​లోకి పల్లీ చట్నీ తర్వాత చాలా మంది ఇష్టంగా తినేది కొబ్బరి పచ్చడి. నచ్చిన బ్రేక్​ఫాస్ట్​ను కమ్మని కొబ్బరి చట్నీలో అద్దుకుని తింటే ఆ కిక్​ వేరే లెవల్​. అయితే చాలా మందికి ఈ పచ్చడిని చేయడం, అందులోనూ హోటల్​ స్టైల్లో చేయడం అస్సలు రాదు. ఏదో తమకు వచ్చిన పద్ధతిలో చేస్తుంటారు. అయితే కొబ్బరి పచ్చడిని ఓసారి ఇలా చేయండి. టేస్ట్​ చాలా బాగుంటుంది. పైగా హోటల్​ టేస్ట్​ పక్కాగా వస్తుంది. అంతేకాదు దీనిని తయారు చేసుకోవడం కూడా చాలా ఈజీ. ఎటువంటి కష్టం పడకుండా అతి తక్కువ సమయంలో ప్రిపేర్​ చేసుకోవచ్చు. మరి లేట్​ చేయకుండా కమ్మని, రుచికరమైన కొబ్బరి చట్నీ ఎలా చేయాలో చూసేయండి.

కావాల్సిన పదార్థాలు:

• పచ్చి కొబ్బరి ముక్కలు – 1 కప్పు
• పచ్చిమిర్చి – కారానికి సరిపడా
• అల్లం ముక్క – చిన్నది
• చింతపండు – కొద్దిగా
• పుట్నాల పప్పు – పావు కప్పు
• నూనె – 2 టీస్పూన్లు
• కొత్తిమీర తరుగు – కొద్దిగా
• ఉప్పు – సరిపడా

తాలింపు కోసం:

• నూనె – 2 టేబుల్​స్పూన్లు
• ఆవాలు – అర టీస్పూన్​
• జీలకర్ర – అర టీస్పూన్​
• శనగపప్పు – అర టీస్పూన్​
• మినప్పప్పు – అర టీస్పూన్​
• ఎండుమిర్చి – 2
• కరివేపాకు – 2 రెమ్మలు

• తయారీ విధానం:

  • కొబ్బరి చిప్ప నుంచి కొబ్బరిని సెపరేట్​ చేసి చిన్న చిన్న ముక్కలుగా కట్​ చేసుకోవాలి.
  • స్టవ్​ ఆన్​ చేసి పాన్​ పెట్టి నూనె పోసుకోవాలి. కాగిన నూనెలో పచ్చిమిర్చి, అల్లం ముక్క వేసి మీడియం ఫ్లేమ్​లో మగ్గించుకోవాలి.
  • మిర్చి వేగిన తర్వాత స్టవ్​ ఆఫ్​ చేసి పూర్తిగా చల్లారనివ్వాలి.
  • మిక్సీజార్​లోకి వేయించిన పచ్చిమిర్చి, కొబ్బరి ముక్కలు, పుట్నాల పప్పు, చింతపండు, కొత్తిమీర తరుగు, ఉప్పు వేసి ఓసారి గ్రైండ్​ చేసుకోవాలి.
  • ఆ తర్వాత కొన్ని నీళ్లు పోసి చట్నీని బరకగా గ్రైండ్​ చేసుకోవాలి. ఇలా గ్రైండ్​ చేసుకున్న పచ్చడిని ఓ గిన్నెలోకి తీసుకోవాలి.
  • స్టవ్​ ఆన్​ చేసి పచ్చిమిర్చి వేయించిన పాన్​ పెట్టి నూనె పోసుకోవాలి. ఆయిల్​ హీటెక్కిన తర్వాత తాలింపు గింజలు(ఆవాలు, జీలకర్ర, శనగపప్పు, మినప్పప్పు) వేసి వేయించాలి.
  • తాలింపు గింజలు వేగిన తర్వాత ఎండుమిర్చి, కరివేపాకు వేసి చిటపటలాడించి స్టవ్​ ఆఫ్​ చేయాలి.
  • ఈ తాలింపు మిశ్రమాన్ని గ్రైండ్​ చేసిన కొబ్బరి మిశ్రమంలో కలుపుకుంటే ఎంతో టేస్టీగా ఉండే హోటల్​ స్టైల్​ కొబ్బరి పచ్చడి రెడీ. నచ్చితే మీరూ ట్రై చేయండి.

• చిట్కాలు:

  • ఈ పచ్చడి కోసం తాజాగా ఉన్న ముదురు కొబ్బరి అయితే రుచి బాగుంటుంది.
  • తాలింపు రంగు మారి మాడిందంటే పచ్చడి రుచి కూడా మారుతుంది. కాబట్టి జాగ్రత్తగా కలుపుతూ వేయించాలి.
  • పచ్చడి బరకగా ఉంటేనే తింటున్నప్పుడు ఫ్లేవర్​ తెలుస్తుంది. కాబట్టి కచ్చాపచ్చాగా గ్రైండ్​ చేసుకోవాలి.
  • పచ్చడి కాస్త గట్టిగానే ఉండాలి. ఒకవేళ మీకు కాస్త లూజ్​గా కావాలనిపిస్తే గోరువెచ్చటి నీటిని పచ్చడిలో కలిపితే సరిపోతుంది.