ఏపీలో వివిధ పథకాల లబ్ధిదారులకు ప్రభుత్వం శుభవార్త చెప్పింది. రాష్ట్రవ్యాప్తంగా డీబీటీ పథకాలకు నిధుల విడుదల ప్రారంభమైంది.. బుధవారం ఒక్కరోజే ఆసరాకు రూ.1480 కోట్లు, జగనన్న విద్యాదీవెన కింద సంపూర్ణ ఫీజ్ రీయింబర్స్‌మెంట్ రూ.502 కోట్లు విడుదల చేశారు. అలాగే మిగిలిన పథకలకూ డబ్బుల్ని విడుదల చేయనున్నారు. అన్ని పథకాలకు రెండు మూడు రోజుల్లో నిధుల విడుదల చేయనున్నట్లు ప్రభుత్వం తెలిపింది.
ఈ డీబీటీ పథకాల నిధుల విడుదలకు సంబంధించి ఎన్నికల పోలింగ్‌కు ముందు ఉత్కంఠరేపింది. పథకాలకు సంబంధించిన డబ్బులు విడుదలకు అనుమతి ఇవ్వాలని పోలింగ్‌కు రెండు, మూడు రోజులు ముందు ప్రభుత్వం ఎన్నికల సంఘాన్ని కోరింది. అయితే పోలింగ్‌కు ముందు పథకాలకు డబ్బులు విడుదల చేయడం సరికాదని ఈసీ చెప్పింది. ఎన్నికల ప్రక్రియ జూన్ 6తో ముగుస్తుందని.. అప్పుడు డబ్బులు విడుదల చేయొచ్చని తెలిపింది.
ఎన్నికల సంఘం డీబీటీ పథకాలకు డబ్బులు విడదుల చేయడానికి అనుమతి ఇవ్వకపోవడంతో కొంతమంది లబ్ధిదారులు ఏపీ హైకోర్టును ఆశ్రయించారు. అయితే హైకోర్టు మరోసారి ఈసీని కలిసి వినతి ఇవ్వాలని సూచించింది.. ప్రభుత్వం మరోసారి ఈసీని రిక్వెస్ట్ చేసినా అనుమతి ఇవ్వలేదు.. ఇప్పుడు అంత అత్యవసరం ఏముందని.. పోలింగ్ పూర్తైన తర్వాత నిధులు విడుదల చేయొచ్చని సూచించిది. ఈ క్రమంలో హైకోర్టులో మరోసారి విచారణ జరగ్గా.. నిధులు విడుదల చేసేందుకు ఒక్కరోజు అవకాశం కల్పించింది. అయితే ప్రభుత్వం ఈసీని మూడోసారి పథకాల డబ్బుల విడుదల చేసేందుకు అనుమతి కోరినా తిరస్కరించారు. దీంతో నిధుల విడుదలకాలేదు.. ఇప్పుడు పోలింగ్ ముగియడంతో అకౌంట్లలో జమ చేశారు.

ఆంధ్రప్రదేశ్ లో అసెంబ్లీ ఎన్నికలు, లోక్ సభ ఎన్నికలు ఒకే విడతలో ఒకే రోజు జరగడంతో అన్ని పార్టీల నాయకులు పోలింగ్ ఫలితాలపై అనేక ఆశలు పెట్టుకున్నారు.

ఆంధ్రప్రదేశ్ లో టీడీపీ, జనసేన, బీజేపీ కూటమిగా ఎన్నికల్లో పోటీ చేసి అధికారం దక్కించుకోవాలని అనేక ప్రయత్నాలు చేశారు. ఆంధ్రప్రదేశ్ లో అధికారంలో ఉన్న వైసీపీ మరోసారి అధికారంలోకి రావాలని ప్రయత్నించింది.

అయితే ఎన్నికలు పూర్తి అయిన తరువాత ఆంధ్రప్రదేశ్ లోని పలు జిల్లాల్లో రాజకీయ కక్షలతో దాడులు జరిగాయి. పల్నాడు, తిరుపతి, తాడిపత్రిలో జరిగిన సంఘటనలతో ఆంధ్రప్రదేశ్ ప్రజలు ఉలిక్కిపడ్డారు. ఆంధ్రప్రదేశ్ లో జరిగిన గొడవల విషయంలో కేంద్ర ఎన్నికల సంఘం చాలా సీరియస్ అయ్యింది. తాము ఎన్నిసార్లు హెచ్చరించినా అధికారులు సరైన జాగ్రత్తలు తీసుకోలేదని ఈసీ మండిపడింది.

ఆంధ్రప్రదేశ్ ప్రభుత్వ చీఫ్ సెకరెట్రీ జవహర్ రెడ్డి, డీజీపీని ఢిల్లీకి పిలిపించుకున్న ఈసీ వివరణ కోరింది. ప్రభుత్వ పెద్దలు ఇచ్చిన విరణతో ఈసీ అసహనం వ్యక్తం చేసిందని తెలిసింది. ఈ దెబ్బకు మీడియాతో మాట్లాడకుండా వెనుక గేటు నుంచి సీఎస్, డీజీపీ చిన్నగా జారుకున్నారు. ఇద్దరు అధికారులు ఇచ్చిన విరణతో ఎన్నికల అధికారులు అసహనం వ్యక్తం చేశారని తెలిసింది. ఈ దెబ్బకు ఆంధ్రప్రదేశ్ విషయంలో ఈసీ సీరియస్ అయ్యింది.

ఈసీ దెబ్బకు ఆంధ్రప్రదేశ్ లోని ఐఏఎస్, ఐపీఎస్ అధికారుల మీద వేటుపడింది. కొందరు అధికారులను బదిలి చెయ్యడంతో కొందరిని సస్పెండ్ చేశారు. ఆంధ్రప్రదేశ్ రాష్ట్రంలో చెలరేగిన హింసకు వైసీపీ నాయకులకు కొమ్ముకాసిన అధికారులపై వేటు పడటంతో ఆంధ్రప్రదేశ్ లో ఉద్యోగాలు చేస్తున్న ఐపీఎస్, ఐఏఎస్ అధికారులు ఉలిక్కిపడ్డారు. ఎన్నికల కౌంటింగ్ పూర్తి అయ్యే వరకు తాము చెప్పినట్లు నడుచుకోవాలని ఆంధ్రప్రదేశ్ లోని అధికారులను ఈసీ హెచ్చరించిందని తెలిసింది.

ఆంధ్రప్రదేశ్ పై ప్రత్యేక శ్రద్ద పెట్టిన ఈసీ ఎప్పటికప్పుడు జిల్లా అధికారులు, ఎస్పీల నుంచి నివేదికలు తెప్పించుకుంటున్నదని తెలిపింది, ప్రభుత్వ ఉద్యోగాల చేస్తున్న వారు ఉద్యోగుల్లా ఉండాలని, ఏ పార్టీ నాయకులకు కొమ్ముకాయకూడదని, నియమాలు ఉల్లంఘించి నాయకులు చెప్పినట్లు తల ఊపుకుంటూ వెళ్లి వారు చెప్పినట్లు చేస్తే పరిస్థితులు వేరుగా ఉంటాయని ఆంధ్రప్రదేశ్ లోని అన్ని జిల్లాల కలెక్టర్లు, ఎస్పీలకు ఈసీ హెచ్చరించిందని తెలిసింది. ఆంధ్రప్రదేశ్ ను కంట్రోల్ లోకి తీసుకున్న ఈసీ ప్రత్యేక అధికారులతో ఎప్పటికప్పుడు వివరాలు తెలుసుకుంటున్నదని తెలిసింది.

ఏపీపై ద్రోణి ప్రభావం కొనసాగుతోంది.
దీంతో రాష్ట్రంలో పలుచోట్ల వర్షాలు పడే అవకాశం ఉందని వాతావరణ శాఖ తెలిపింది. శుక్ర, శని వారాల్లో తేలికపాటి మోస్తరు వర్షాలు కురిసే అవకాశం ఉందని ప్రకటించింది. ప్రకాశం, నెల్లూరు, కర్నూలు, నంద్యాల, అనంతపురం, సత్యసాయి, వైఎస్సార్ జిల్లాల్లో మోస్తరు వర్షాలు, అన్నమయ్య, చిత్తూరు, తిరుపతి జిల్లాల్లో మోస్తరు వర్షాలు పడే అవకాశం ఉందని, మన్యం, అల్లూరి, ప.గో, కోనసీమ, ఏలూరు, కృష్ణా, ఎన్టీఆర్, గుంటూరు, పల్నాడు, బాపట్ల జిల్లాల్లో తేలికపాటి వర్షాలు కురిసే అవకాశం ఉందని వాతావరణ శాఖ తెలిపింది. వర్షాలు పడే సమయంలో ప్రజలు అప్రమత్తంగా ఉండాలని, అటు పిడుగులు సైతం పడతాయని, పశువుల కాపరులు చెట్ల కింద ఉండొద్దని వాతావరణ శాఖ సూచించింది.

ప్రపంచవ్యాప్తంగా 2.4 బిలియన్ల యూజర్లను కలిగిన వాట్సప్(WhatsApp) ఎప్పటికప్పుడు వినూత్న అప్‌డేట్స్‌తో ముందుకు వస్తోంది. కొత్తగా పరిచయమైన వ్యక్తికి వాట్సప్‌లో ఏదైనా పంపాలంటే నంబర్ సేవ్ చేసుకోవాల్సి ఉంటుంది. నంబర్ సేవ్ చేసుకుంటేనే సదరు వ్యక్తితో మీరు చాట్ చేయగలరు. ఆ తరువాత అతని నంబర్‌తో మీకు పని ఉండకపోవచ్చు. నంబర్ సేవ్ చేయకుండా మెసేజ్‌లు పంపడం ఎలా అనేది చాలా మందికి తెలియదు.

ఉదాహరణకు మీరో ఫొటో స్టూడియోకి వెళ్లారనుకోండి.. అక్కడ మీ పాస్ పోర్ట్ సైజ్ ఫొటో కోసం సదరు ఫొటో స్టూడియో యజమాని నంబర్‌ని తీసుకుంటారు. అనంతరం సేవ్ చేసుకుని ఫొటోని వాట్సప్ చేస్తారు. తరువాత ఆ నంబర్‌తో మనకు పని ఉండకపోవచ్చు. గతంలో నంబర్ సేవ్ చేసుకుంటేనే వాట్సప్ చాట్ చేయగలిగే వాళ్లం. కానీ, వాట్సప్ సర్చ్ బార్ ఫీచర్ అందుబాటులోకి వచ్చాక ఆ సమస్య తీరిపోయింది. దీని గురించి సింపుల్‌గా తెలుసుకుందాం.

వాట్సప్‌ని ఓపెన్ చేయండి

ఐఫోన్ యూజర్లైతే పైన ప్లస్ ఐకాన్ ఉంటుంది, ఆండ్రాయిడ్ యూజర్లైతే వాట్సప్ యాప్‌లో కింద ప్లస్ ఐకాన్ ఉంటుంది. దానిపై క్లిక్ చేయండి.

నంబర్‌ని కాపీ చేయండి. అనంతరం సర్చ్ కాంటాక్ట్‌పై క్లిక్ చేసి నంబర్‌ని పేస్ట్ చేయండి.

ఆ నంబర్‌పై వాట్సప్ అకౌంట్ ఉంటే చాట్ అనే ఆప్షన్ కనిపిస్తుంది. దానిపై క్లిక్ చేసి ఫైల్స్, ఫొటోలు తదితర సమాచారాన్ని నంబర్ సేవ్ చేసుకోకుండానే షేర్ చేయొచ్చు.

న్యూఢిల్లీ: ఆంధ్రప్రదేశ్‌లో అసెంబ్లీ, లోక్‌సభ ఎన్నికల సందర్భంగా, పోలింగ్ అనంతరం చెలరేగిన అల్లర్లు, హింసాత్మక ఘటనలపై సీరియస్ అయిన కేంద్ర ఎన్నికల సంఘం బాధ్యులైన అధికారులపై సంచలన చర్యలు తీసుకుంది. పల్నాడు, అనంతపురం ఎస్పీలను ఈసీ సస్పెండ్ చేసింది. సదరు అధికారులపై శాఖాపరమైన చర్యలు తీసుకోవాలని ఆదేశాలు జారీ చేసింది. ఇక తిరుపతి ఎస్పీపై బదిలీ వేటు వేసింది.

వీరితో పాటు పల్నాడు, అనంతపురం, తిరుపతి జిల్లాల్లోని 12 మంది పోలీసు అధికారులపై సస్పెన్షన్ వేటు వేసింది. ఈ 12 మంది అధికారులపైనా శాఖాపరమైన చర్యలు తీసుకోవాలని ఆదేశాలు జారీ చేసింది. స్పెషల్ ఇన్వెస్టిగేషన్ టీమ్‌ని కూడా కేంద్ర ఎన్నికల సంఘం నియమించింది. హింసాత్మక ఘటనలపై రెండు రోజుల్లో నివేదిక ఇవ్వాలని ఆదేశించింది. ఐపీసీ సెక్షన్ ప్రకారం ఎఫ్ఐఆర్ అప్‌‌డేట్ చేయాలని స్పష్టం చేసింది.

ఇక పల్నాడు జిల్లా కలెక్టర్‌పై కూడా బదిలీ వేటు వేస్తూ కేంద్ర ఎన్నికల సంఘం నిర్ణయం తీసుకుంది. పల్నాడు కలెక్టర్‌పై శాఖాపరమైన విచారణకు ఎన్నికల సంఘం ఆదేశించింది. మరోవైపు నేడే రేపో సీఎస్‌పై వేటుపడే అవకాశం కనిపిస్తోంది. కౌంటింగ్ నేపథ్యంలో రాష్ట్రంలో ఎలాంటి హింసాత్మక ఘటనలు చోటుచేసుకోకుండా కౌంటింగ్ ముగిసిన 15 రోజుల దాకా 25 సీఆర్‌పీఎఫ్ బలగాల్ని ఏపీ పంపించాలని సీఈసీ ఆదేశించింది. ఎన్నికల ఫలితాల తర్వాత రాష్ట్రంలో ఎలాంటి హింస చోటుచేసుకోకుండా ఈ బలగాలను ఉపయోగించుకోవాలని కేంద్ర ఎన్నికల సంఘం సూచించింది.